Jagaa Do Meri Qismat Bhi

Jagaa do meri qismat bhi khudara Ya Rasulullah
Dikhado mujh ko rozah ka nazarah Ya Rasulullah

Meri duniya sanwar jaey meri 'uqba sadhar jaey
Agar ho jaey Rahmat ka isharah Ya Rasulullah

Tumahara naam-e-naami hai sukoon-e-qalb ka ba'is
Nazar ka noor hai rozah tumhara Ya Rasulullah

Zamanah choot jaey ruth jaey khalq to kya gham
Na choote haath sey daman tumharah Ya Rasulullah

Jabeen-e-showq mas hoti hai jab rowzah ki jaali sey
Chamak jata hai qismat ka sitarah Ya Rasulullah

Tamana-e-Sikandar hai dam-e-aakhar Shah-e-Bat-ha
Rahey wird-e-zuban kalmah tumhara Ya Rasulullah