Kismat Meri Chamkayi Hai Taiba Mai Bulaa Kar

Imaan e Ishq e Ahmed e Mukhtaar ke baghair
Mumkin nahi ke chat rahe deewaar ke baghair
(Bayshak Subhan'Allah)

Dono jahaan me chashme baseerat se dekhiye
Kuch bhi nazar na aaega Sarkaar ke baghair
(Bayshak Subhan'Allah)

Andazah isse kijye Unke Maqaam ka
Kalmah na pura ho saka Sarkaar ke baghair
(Allahu Akber Subhan'Allah)

YA RABB qasam hai Tujh ko Tere hi Jalaal ki
Nikle na dum Huzoor ke Deedaar ke baghair
(Ameen Ya Rabbe Zuljalaal)

Sadqa Rasool e Pak kay kirdaar hi ka hai
Batil jo sar nigo huwa talwaar ke baghair
(Bayshak Subhan'Allah)

Altaaf Zikre haal zabaan se na kijiye
Zahir hai sab Huzoor par izhaar ke baghair
(Bayshak Subhan'Allah)